سینٹر آف اسلام سائنس

دشمنی سے نہیں ہوتا وہ گرفتار بلا - اپنے سائے میں ترقی جسے دیتا ہے خدا

بند حجروں میں اللہ ہو کی ضربیں مارنا کوئی کمال نہیں

تحریر: مسلم مین (www.CoislamScience.com)

Date: June 05, 2017

بندکمروں میں بیٹھ کر اللہ ہو کی ضربیں مارنا کوئی کمال نہیں اور یہ ولایت کی انتہا نہیں کہ اپنی ذات میں گم ہوکر روحانی دنیاوں کی سیر میں مگن رہا جائے بلکہ مرد مومن کی شان یہ ہے کہ وہ اپنی ہستی سے فنا ہوکر بقا حاصل کرتا ہے اور پھر اس دنیا میں عالم کفرکے خلاف ڈٹ جاتا ہے اور اللہ کے دین کو سر بلند کرنے کیلئے اپنا جان و مال قربان کرتا چلا جاتا ہے یہاں تک کہ مالک حقیقی سے جاملے۔یہ میرے مرشد محمدصلی اللہ علیہ وسلم کے سچے غلاموں کی شان ہے جنہوں نے دین اسلام کی حقیقی روح کو سمجھا اور اسے سربلند کرنے کیلئے تن تنہا ہی میدان میں نکل پڑے اسی لئے صحابہ کرام کے بعد اگر تاریخ اسلام میں کسی نے انقلاب برپا کئے ہیں تو وہ شیخ عبدالقادری جیلانی، خواجہ معین الدین چشتی، سید علی ہجویری جیسے مرد مومن ہیں جو اپنے ہجروں میں ضربیں مارنے کے بجائے ہزاروں لاکھوں کافروں ، مرتدوں،فاسقوں فاجروں کی روحوں میں ایمان کی شمع جلاکر گئے ۔ اور آج دین کے نام پر تماشے کرنے والے کروڑوں کی تعداد میں فرقوں کی تبلیغ میں مصروف ہیں جس کا نتیجہ یہ ہے کہ اسلام تو کیا خاک غالب ہوگا بلکہ الٹا مسلمان بھی دین اسلام سے نفرت کرنے لگے ہیں ۔بمشکل چند فیصد ہی کچھ اثر ہوگا ورنہ معاشرے میں کوئی کمال پیدا نہیں کیا ان دین کے نام پر کروڑوں افراد کی جماعتوں نے ۔


Rightful Religion | God of Nature | Prophet of Nature
Copyright © 2017 - 2021 All rights reserved.